Gh'ea na votta na donna ch'a l'uaiva in figgiö. In giurnu a l'aneta dâ cummò a cianze a so disperassiun. A cummò a g'à ditu: “ Nu sta a cianze, vagni in cà, piggia na pignatta cun l'egua, caccighe drentu 'na brancò de sciaixi e mettighe u cuerciu”. A donna, in cà, a l'ha fetu cumme g'aivan ditu.U giurnu doppu, a l'àlevau u cuerciu, e sun sciurtii tanti figgiö, tütti piccin cumme i sciaixi, c'han cummensau a satò da 'na porte all'otra. A povia donna, disperò, a nu saiva cusse fò; a l'ha piggiau u scuassu e ai ha ammassè tütti menu ün, ch'u s'ea ascuzu in tu buccu da ciavöa. Ma appeña a l'aiva finìu, a l'ha cummensau a cianze: “Pôvia mi, nu l'è serviu a ninte, aua sun turna sensa figgiö” U figgiu u l'ha sentìa e u g'ha ditu: “Mamma, se nu ti m'ammassi, sciortu e saiò mi to figgiu.” Quande “Sciaixettu” (cuscì a l'ha ciamau) u l'è sciurtiu dâ ciavöa, so mamma a l'à mandau a purtò da mangiò a so babbu ch'u travaggiova luntan. Pâ stradda Sciaixettu u l'ha attruvau di fosci e u nu puaiva sâtoiai. U l'ha ciamau n'ommu e u g'ha ditu: “Se ti m'aggiütti mi te daggu pan e furmaggiu”. L'ommu u l'ha aggiüttau ma Sciaixettu u l'è scappau sensa doghe ninte. Â fin u l'è arrivau da so babbu, han mangiau insemme, dappu Sciaixettu u l'è anetu a pasce e vacche. Ma u l'ea tantu piccin, ch'u l'è finìu insemme all'erba inta pansa de 'na vacca. U poviau Sciaixettu u nu saiva mancu lè dunde u l'ea, u l'ha cumensau a virò pe sercò de sciurtì, fiña a che u l'ha attruvau in barcunettu e u l'ha accapìu dunde u l'ea. U s'è affacciau e u l'ha sentiu sò babbu ch'u ciamova: “Sciaixettu... Sciaixettu...dunde te, bellu au babbu!” “Sun chi, babbu affacciau dau barcunettu du cü du bö.”Inte quellu mumentu a vacca ghe vegnüu cué de cagò e cuscì Sciaixettu u l'è sciurtìu, so babbu u l'ha ben làvau e sun riturné tütti dui in ca dunde an visciüu belli cuntenti cun so mamma.

C'era una volta una donna che voleva un bambino. Un giorno si recò dalla comare a piangere per la disperazione. La comare le disse.” Non piangere, vai a casa, prendi una pentola, butta dentro una manciata di ceci e metti il coperchio”. La donna, in casa, fece come le era stato detto. Il giorno dopo, appena tolse il coperchio alla pentola, balzarono fuori tanti tanti figli, tutti piccoli come ceci, che cominciarono a saltare da tutte le parti. La povera donna, disperata, non sapeva come fare, prese la scopa e li uccise tutti, meno uno che era riuscito a nascondersi nel buco della serratura. Appena ebbe finito, cominciò a piangere.” Povera me! Non è servito a niente, adesso sono di nuovo senza figli”. Il figlio la sentì e le disse :” Mamma, se non mi uccidi, esco e sarò io il tuo unico figlio”. Quando Cecino (così fu chiamato) uscì dalla serratura, la mamma lo mandò a portare da mangiare al babbo che lavorava lontano.  Per strada incontrò delle buche e non potendole saltare, chiese aiuto ad un uomo dicendogli:”Se mi aiuti a saltare ti regalo pane e formaggio!” L'uomo lo aiutò, ma Cecino scappò via senza dargli la ricompensa patuita. Alla fine giunse il babbo, mangiarono assieme ed in seguito Cecino si recò a pascolare le mucche. Cecino era così piccolo che finì con l'erba nella pancia della mucca. Il povero Cecino non sapeva certo dove si trovasse e cominciò ad ispezionare quel luogo sconosciuto per cercare di uscire. Finalmente trovò una finestrella e comprese dove si trovava. Si affacciò e sentì la voce di suo padre che chiamava :” Cecino, Cecino, dove sei, bello di tuo padre?” “Sono qui padre, affacciato al balconcino del sedere del bue!”. In quello stesso istante alla mucca venne voglia di fare un bisognino e così Cecino potè uscire sano e salvo dalla pancia della mucca. Suo padre subito lo prese e lo lavò per benino, poi tornarono a casa dove vissero felici e contenti con la mamma.